Nesta velada musical teñen cabida todas os tipos de música, Pop, Metal, Rap...... aínda que sobre todo o que ten maior peso é o Rock. Polo escenario situado no Parque do Coto pasaron grupos como Amaral, Los Enemigos, Ruxe-Ruxe, Medomedá, Rif-Raf, que fixeron saltar e disfrutar da boa música os presentes.
Para a edición 2012 os grupo que van a participar veñen cargados de forza e coa intención de facer saltar o público coas súas cancións.....
GRUPOS EDICIÓN 2012:
CLEAN AND LEAD (Negreira):
Este grupo de nova creación fai versións de clasicos do Rock dos anos 80 e 90. Está formado por xóvenes de Negreira con experiencia en outras formacións musicais, os compoñentes son: Richo (voz & guitarra) Campos (guitarra & coros) Pepe Noya (baixo) Diego Vieito (batería & teclado).
MARMOTA PHIL (Negreira):
Os comezos de Marmota Phil, non están moi claros. A primeira formación
conformase por Jesús (guitarra), Jose (bateria), Gerardo (baixo) e Luis
(vocalista), todo isto baixo o nome de "Musica Perro", no ano 2004.
Logo dun tempo, Luis deixa o grupo para adicarse profesionalme ó mundo
da música como cantante de orquestra, e xunto él acabará marchando
Gerardo.
Jesús e Jose, seguen co grupo adiante e buscan nova xente, xa co nome
actual (Marmota Phil)
No verán do 2005 incorporan a Óscar como guitarra, e comezan a traballar
en formato de trio, compoñendo novos temas e aproveitando os
anteriores.
Ante a falta de baixista, Óscar convence ó seu amigo Manu para que se
pase ó baixo e así se consoliden como cuarteto.
En abril do 2006 estréanse no TNT de Santiago de Compostela, e logo
doutro concerto (no Pub Mojo) Jesús decide deixalo, por asuntos
persoais.
Jose tamén o decide deixar, e Manu e Óscar seguen quedando para ensaiar e
seguir compoñendo.
Meses máis tarde fichan a Dani como batería, e a Sergio como guitarra,
que logo se amoldan ó grupo.
Tras varios concertos con esta formación, en marzo deste ano, deciden
gravar unha demo en Diorama Estudios (Santiago de Compostela) co
"maestro" Jorge Sampayo ós mandos, cuxo resultado e isto que estades a
escoitar. En marzo do 2010, entra David "Coper" na batería.
+ info: MARMOTA PHIL
LADY EVIL (Ferrol):
Esta banda nace en Ferrol fai 8 anos coa intención de facer versións dos grandes da música rock e Heavy Metal dos anos 80; Iron Maiden, Judas Priest, Scorpions, Motorhead....cun directo demoledor e cunha voz femenina enérxica e potente.
O Sonoro Maxín volve aos
escenarios presentando o seu esperadísimo primeiro
disco de estudio, A onda sonora (chega do interior), producido por
Kaki Arkarazo, e gravado nos estudios Garate, de Andoain (Gipuzkoa)
[EH], por Kaki Arkarazo e en Tooma Recordings, de Ourense,
por Marcos Vázquez.
O novo disco, de 13 cancións,
expresa a múltiple visión musical do conxunto ourensán, baseado
nunha mestura de cumbia,reggae, rock, ranchera,
bolero ou vallenato. O deseño do mesmo corre a cargo do artista
David Rubín. O Sonoro Maxín fala do disco con estas verbas: «Chega a onda sonora.
Chega do interior, dun océano interno. Dun mar quente
e profundo que, aínda que ten morada certa, non
aparece nos mapas.
Trae con ela as cumbias que
non son cumbias. Esperta os bailes que aínda están por inventar.
Camiña polas rúas que pisamos hai tempo e polas que hoxe está
prohibido pasear. Traslada dun lado a outro a surfistas sen
táboa, unha manda de eguas e cabalos sen dono e un grupo de
pallasos que tratan, co riso e sen bromas, asuntos moi serios.
Vén cargada con ritmos descompasados que derrotan ás
cadeiras no primeiro compás, de harmonías dunha soa nota e
de esquecidas melodías atopadas no fol dun acordeón.
Viaxan ao seu carón cantantes afónicas, exploradores
perdidos, mariñeiras dos fentos e dos toxos, arrieiros que non saen
da casa, mamíferas destetadas e plumíferos desplumados.A onda sonora trasmítese cara
todos os ouvidos no mesmo momento. Nun pestanexo. Nas
novas formas de contar o tempo, nun bico, nunha aperta, nun
sorriso. Cara todos e todas coa mesma intención, ser
escoitada.
+ info: O SONORO MAXÍN
VIDEOS RELACIONADOS:
+ info: O SONORO MAXÍN
VIDEOS RELACIONADOS:
